’’ كبســة الــدجـــاج باالـجــزر ’’
- المــقـاديــر :
3 حبات بصل مقطعه صغار ..
3 حبات ثوم (مدقوق)..
1طماطم مقطعه صغار ..
3حبات جزر مقطع صغآآآر ..
رز (حسب الكميه المرغوب فيها ) ..
مـلـح (الكميه المعتاده ) ..
دجـاجــه منزوعة الجلد ومقطعه أسداس ..
بهارات ( عدله & مطونه )
ملعقه كبيره زيت ..
صلصل ..
حبة مكعب ماجي ..
- الطــريــقـه :
نكشن (نحمس ) البصل طبعآ طريقتي أول شي احط البصل في القدر من غير زيت
كل ماحسيت انه بدا ينشف ارش عليه ماء شوووويه وكذا مرتين بعدين أحط عليه الزيت ملعقه فقط
واقلبه لحد مايتشقر واحط الثوم والجزر ومكعب ماجي واقلبهم تمااام ..
بعد كذا نضيف الدجاج الي قطعنه
نضيفه ع المقادير السابقه ونضيف عليه البهارات المطحونه < اللي تحبون
مثلآ : كمـون - كزبره - بهارات دجاج - شووي فلفل أسـود ... ونضيف ملعقة صلصل والطماط ..
وماتنسون الملح < كميتكم المعتاده ..
ونقلبهم تمااااام
بعد خمس دقائق أو أقل نضيف ماء الى ربع القدر..
ونضيف البهارات العدله > ليمون أسود - هيل - قرنفل - فلفل أسود
بس مانكثر لأن حطينا بهارات مطحونه ..
ونتركه الى مايستوي الدجاج تقريبآ ربع ساعه ..
بعدها نضيف الرز على الدجاج وطبعآ الرز يكون مغسول زيييين ومنقوع في ماء ..
ونتركه الى ماينشف الماء ..